बबाल बल्थलीः मनसुनमा झन मनमोहक (फोटो फिचर)

काठमाडौं । वर्षा भइरहने साउन महिनामा घुमघामको योजना कमैेले बनाउँछन् । तर खाने मुखलाई जुँगाले छेक्दैन । घुम्न सौखिनहरुलाई मौसमले रोक्दैन ।

टाढा जानुपर्दैन, मनसुन सिजनको रोमाञ्चक अनुभव लुट्न काभ्रेको बल्थली काफी छ । मुसलधारे झरिमा बल्थली डाँडामा रहेको रिसोर्टमा वादलको घुम्टो ओढेर कफी सुरुप्प पार्दै बस्नुको मजा अरु के मा छ ?
काठमाडौंको धुलो-धुवाँ र कोलाहलबाट भाग्नका लागि एउटा राम्रो बाहाना हुन सक्छ बल्थली । झरी खुलेपछिको निलो आकाश, सेता थुम्का परेका वादल र हरिया तरेली परेका फाँट यहाँबाट देखिने चित्ताकर्षक दृश्य हुन् ।
काठमाडौंबाट ४२ किलोमिटर टाढा रहेको बल्थली पुग्न पनौतीसम्म सफा खुल्ला सडक छन् । खोपासीबाट बल्थली जान स्थानीय रिसोर्टहरुले फोरहृवील गाडीको सुविधा दिन्छन् ।

हाइकिङ पारखीहरु नमोबुद्धमा ब्रेकफास्ट गरेर भीरपाखा छिचोल्दै बल्थली पुग्न सक्छन् । काठमाडौं-खोपासी रुटले स्थानीय गाउँले रहनसहन भेषभूषा र संस्कृति चिनाउँछ ।
बल्थलीको बसाई महँगो छैन । बजेट होटलको रुपमा होमस्टे पाइन्छन् ।

२०७४ साउन ५ गते १५:०० मा प्रकाशित अनलाइन खबर डटकम (२०७४ साउन ७ गते १३:१०मा अद्यावधिक गरिएको)Admin of the Blog : Dilip Kumar Acharya. Dang, Nepal. Voice of Youth.