Youth Voice : 2012

Friday, July 13, 2012

अब पानी विना नै नुहाउन सकिने

के तपाईलाई नुहाउन अल्छी लाग्छ ? नुहाउने पानीको समस्या परिरहेको छ ? चिन्ता नगर्नुहोस्, तपाईको यस्तै समस्यालाई समाधान गर्न दक्षिण अमेरिकाका लडविक मरिसेनले नयाँ नुहाउने जेलको आविस्कार गर्नुभएको छ । ड्राइबाथ नाम दिईएको यो जेलले पानी र साबुन दुवैको काम गर्छ । यो विश्वमा लोकप्रिय पनि हुँदै गइरहेको छ ।

२२ वर्षिय मरिसेनले यूनिभर्सिटी अफ केप टाउनमा अध्ययनरत् हुनुहुन्छ । उहाँलाई यो आविष्कार गर्ने सोच नुहाउन अल्छी गर्ने उहाँकै साथीले दिएका हुन् । कसैले पानी बिना नुहाउन सकिने उपाय निकाले पनि हुन्थ्यो भन्ने साथीको ठट्टालाई गम्भीर रुपमा लिएर उहाँले यो आविष्कार गर्नु भएको हो ।
यो अहिले विमान कम्पनीले लामो यात्रामा रहेका यात्रीको लागि र कतिपय सरकारले आफ्ना युद्ध मैदानमा रहेका सैनिकका लागि प्रयोग गरिरहेका छन् । यो उत्पादन अफ्रिका र विश्वका गरिब मुलुकहरु जहाँ साधारण स्वास्थ्य समस्या छ त्यहाँ काम लाग्छ । त्यस्तै पानीको समस्या भएको ठाँउमा पनि यो अति उपयोगी हुन्छ ।
६ महिना लगाएर आविश्कार गरिएको यो जेल हात धुन अरु जेल भन्दा फरक छ । यसले कुनै गन्ध निकाल्दैन र शरिरमा कोमलपन ल्याउँछ ।
- एजेन्सीको सहयोगमा

बिहारका १४ लाख वालवालिका खुला आकाशमुनी पढ्छन्

असार २९ – भारतको विहार राज्यमा अझै पनि १४ लाख बालबालिका खुला आकाशमुनी पढ्न बाध्य रहेको योजना आयोगले जनाएको छ । विद्यालय भवनको अभावमा त्यति ठूलो संख्यामा बालबालिकाहरु खुला ठाउँमा बसेर पढ्न बाध्य भएका हुन् ।

आयोगको प्रतिबेदन अनुसार बिहारमा १३ हजार ८ सय विद्यालय, भवन विना नै सञ्चालन भएका छन् । यस्तै १ सय ५० स्कुल टेन्टमा र ४ सय ५० स्कुल कच्ची भवनमा चलेका छन् । आयोगले अहिलेको अवस्था हेर्दा राज्य भरका स्कुलका लागि कम्तीमा पनि दुई लाख वटा कक्षा कोठा आवश्यक पर्ने जनाएको छ ।

राज्यमा प्राथमिक विद्यालयको संख्या निकै कम रहेकाले ६ वटा प्राथमिक विद्यालयमा एक हजार बालबालिकाले पढ्नुपर्ने बाध्यता छ । विद्यालय कम भएपछि एउटा कक्षामा ८१ जना भन्दा बढी विद्यार्थीले पढ्ने गरेका छन् । जुन राष्ट्रिय औसत भन्दा ५० ले बढी हो ।

विद्यालय भवनसंगै ५६ हजार ४ सय ४ जना शिक्षकको पद खाली रहेको र राज्यका साँढे ६ प्रतिशत विद्यालय एक जना शिक्षकको भरमा चलिरहेका आयोगको प्रतिवेदनमा उल्लेख छ । आयोगले विद्यालय शिक्षाको अवस्था सुधार्न विद्यालय भवन र शिक्षक बाहेक पिउने पानी, दिउँसोको खाजा तथा शौचालयको पर्याप्त व्यवस्था हुनुपर्नेमा पनि जोड दिएको छ ।